LE CONTEXTE DE L'ÉPISTOLE
« Enrichissez-vous par le travail et par l'épargne
! » (François Guizot)
EPISTOLE 10
10e épistole. 15 janvier 1837
L’ 15 de ch’ mos d’Jainvier .
À ch’féseu d’Gazette, rue Saint-Jeain, à Kaimbré.
Ch’é mi aincore ain cop, sains reproche, no copère ! V’là que je m’ravigotte ; j’viens
d’ravisier
[1] d’zu aine tiaute feuille aine saquoi
[2] d’zu l’air d’aine cainchonne d’no aindro qu’cha m’a fait rire à maronne
[3] déblouquée
[4]. Acoutème ain po : ch’kainteu i vos conte chou kil a vêtié
[5], à s’n’idée, dains ch’biau chermon d’ouverture d’chel kaimbe à dépeutés
[6]
premier point.
Tas de bavards volez-vous blaguer ?
V’là l’bastringue [7],
V’là l’bastringue,
Tas de bavards volez-vous blaguer ?
V’là l’bastringue,
Qui va qu’maincher.
Deuxième point.
Tas de varlets [8], volez-vous voter ?
V’là l’bastringue,
V’là l’bastringue,
Tas de varlets, volez-vous voter ?
V’là l’bastringue,
Qui va qu’maincher.
troisieme point.
Tas de nigauds, volez-vous paier ?
V’là l’bastringue,
V’là l’bastringue,
Tas de nigauds, volez-vous paier ?
V’là l’bastringue,
Qui va qu’maincher.
Ch’é point toute : « Main fieu, qu’je m’sis dit inter mi-même, quain qu’j’ai été r’crain [9] d’rire, v’là aine bastringue qu’cha dro vos faire aine pinte d’bon saing à l’heure : i vos fodro aller vire qu’maint kain s’trimousse là drolà [10]. Domache qu’chel kaimbe à dépeutés kalle est boutée [11] à Paris, ain aindro kain dit ki faut d’l’ascaille [12] plein ses tasses [13] pou i mier l’mitain d’sain sou [14]. N’aimpêche ! vos ête’ ain molet [15] trop grossier, vos mieurez [16] du pouin [17] bis, et vos r’vérez [18] à point. Cha y é. D’mouin, kain qu’chel Grainde Paque kalle ara sain dos torné, j’ainfourque [19] no bidet à muche tain pot [20], et me v’là parti pou Paris mieux que d’zu l’queue d’aine seuris. Ain passaint par Kaimbré, j’arai cure d’vo prier l’bon jour, et aine fo bouté à Paris, j’vos écrirai chou qu’j’arai r’luqué [21] dains chel Kaimbe à dépeutés. Adiu, no maîte’ boutez vo poche d’zu vos bouque [22], et sains adiu !
[1] Ravisier : regarder.
[2] Aine saquoi : quelque chose.
[3] Maronne : pantalon.
[4] Déblouquée : débouclée.
[5] Vêtier : regarder, voir
[6] C’est dans le Charivari que M. Jérôme Plumecoq a lu cette plaisante chanson qui résume si bien le discours d’ouverture de la session. Henri Carion.
[7] Bastringue : 1. bal de guinguette. Courir les bastringues. 2. Orchestre tapageur, musique grossière. Dans ce sens, parfois féminin. (Le Grand Robert)
[8] Varlet : valet de ferme.
[9] R’crain : fatigué.
[10] La drolà : là-bas.
[11] Boutée : placée, sise, située.
[12] Ascaille : bourse, escarcelle. (Corblet) Par extension, argent.
[13] Tasses : poches.
[14] Mitain d’sin sou : jeu de mot entre ne pas manger tout son soul (moitié à sa faim) et la valeur de la moitié d’un sou.
[15] Un molet : un peu.
[16] Mieurez : mangerez.
[17] Pouin : pain.
[18] R’verez : redeviendrez.
[19] Ainfourquer : enfourcher.
[20] Muche tain pot : en cachette. [Vient des] maisons où l’on vend de la bière en cachette, en fraude des droits… Mot à mot : cache ton pot. (Hécart)
[21] R’luquer : regarder.
[22] Boutez vo poche d’zu vos bouque : silence et bouche cousue. Sous-entendu : le pouce est plus gros que l’index ! Le secret aussi.
